СЕВАН, Гўкча — Арманистон ва Кавказдаги энг катта кўл, 1900 м баландликда. Майд. 1360 км2. Ўртача чуқ. 28,5 м. Энг чуқур жойи 83 м. С. ни 2 та бурун шим. ғарбий (Кичик Севан) ва жан. шарқий (Катта Севан) қисмларга ажратиб туради. Кўлга 28 сой қуйилади, кўлдан Раздан (Занга) дарёси оқиб чиқади. Бу дарёга 6 та ГЭС қурилган. Сда хонбалиқ ва б. баликлар овланади. Кўл суви ва Раздан дарёсининг сувидан Севан ГЭС каскадида фойдаланилади. Арпа дарёсининг сувини кўлга қуйиш учун Арпа — Севан тоннели (уз. 49 км) қурилган. Севан соҳилида Севан ш. жойлашган. Кўл атрофи дам олиш зонасига айлантирилган. Туризм ривожланган.