СИЛЬВИНИТ (юн. silvinite) — тузли чўкинди тоғ жинси. Таркиби сильвин (50—75%), галит (25—50%), қисман ангидрит ва гилдан иборат. Ранги — оқ, қизғишқўнғир ва қизил. С. кесмада сильвин, галит ва гилли ангидритларнинг алмашиниб ётган юпқа қатламидан иборат. Арид иқгтим шароитида саёз денгиз, лагуна ва кўлларда шўр сувдан кимёвий чўкиш орқали ҳосил бўлади. Сильвинит калийли минерал ўғит и. ч. да муҳим хом ашёдир. Ундан тиббиёт, атирупа и. ч. да, фотография ва б. соҳаларда кенг фойдаланилади.
Ўзбекистон жан. да Тюбегатан ва Хўжаикон конларида Сильвинит юра даври ётқизикларида таркалган. Тюбегатан конида Сильвинит горизонтининг ўртача қалинлиги 4,5 м, КС1 нинг микдори 36,9% ва захираси 400 млн. т. Хўжаиконда С. Кўҳитангтоғнинг шарқий этакларида уз. 25 км, эни 900 м ва нисбий бал. 200 м ли тузли тоғ ҳосил қилган. Саноат аҳамиятига эга горизонтларда КС1 нинг ўртача микдори 28—33%. РФ, Белоруссия, Германия, АҚШ, ХХР ва б. мамлакатларда Сильвинит конлари бор.