СИНГ (Синж) Ричард Лоуренс Миллингтон (1914.28.10, Ливерпул — 1994) — инглиз биокимёгари. Лондон Қироллик жамияти аъзоси (1950 й. дан). Кембриж ун-тини тугатган (1936). 1941—43 й. ларда жун саноати бирлашмасида, 1943 й. дан Лондондаги Листеров ин-тида, 1948 й. дан Абердиндаги Роуэт и. т. институтида, 1967—76 й. ларда Норвичдаги Озиқовқат ин-тида ишлаган. Илмий ишлари биологик муҳим бирикмаларни ажратиб олиш ва нарчалаш жараёнларини ўрганишга, оқсиллар аналитик кимёсига оид. А. Ж. Мартин билан ҳамкорликда янги оқсиллар ва антибиотикларни ўрганишда аналитик мақсадда қўлланадиган қоғоздаги хроматография усулини ишлаб чикди (1944). Турли полисахаридлар, электрокинетик ультрафильтрлаш бўйича тадқиқотлар ўтказди (1946—50). Нобель мукофоти лауреати (1952, А. Ж. Мартин билан ҳамкорликда).