СИНГАЛ ТИЛИ — ҳинд (ҳиндорий) тилларидан бири, Шри Ланка Республикасининг давлат тили. Сўзлашувчилар 12 млн. кишидан ортиқ. Сингал тилининг адабий ва сўзлашув шаюгларида жиддий фарқ бор. Урғу сўзнинг биринчи бўғинига тушади, сингармонизмга мойиллик бор. Морфологик тузилишида агглютинация ва янги флексиянинг аниқ белгилари мавжуд. Адабий тилда феълнинг шахс, сон, жинс (умумий ва муаннас), замон, ўтимлиликўтимсизлик категориялари мавжуд. Гапда сўзларнинг муайян тартиби бор. Оғзаки нуткда отгагшар кўпроқ ишлатилади. Лексикасида санскрит, тамил, инглиз, португал, малайя, араб, форс ва б. тиллардан ўтган сўзлар кўпчиликни ташкил этади. Ҳоз. Ст. жан. ҳинд ёзувларидан бири — грантҳи алифбосидан фойдаланади. Мил. ав. 3-а. га мансуб крятош ёзувлари Сингал тилининг энгқад. ёдномаларидир. 13-а. да Сингал тилининг классик грамматикаси яратилган. Ст. нинг янги адабий шакли жонли сўзлашув тили асосида шаклланмоқда.