СОАТОВ Талъат Соатович

СОАТОВ Талъат Соатович (1940Л5.2, Тошкент) — биокимёгар олим. Ўзбекистон ФА акад. (2000). Ўзбекистонда хизмат кўрсатган фан арбоби (1996). Биология фанлари д-ри (1974), проф. (1984). ТошТИни тугатган (1962). Ўзбекистон Ўлка тиббиёт ин-тида аспирант (1962—65), кичик илмий ходим (196667), Ўзбекистон ФА Биокимё интида катта илмий ходим (1967 — 75), лаб. мудири (1975 й. дан), директор (1979 й. дан). Асосий илмий ишлари қалқонсимон без протеинлари, мембрана липидлари биокимёси, шунингдек, липосомалар, уларнинг ҳужайра билан ўзаро таъсирини ўрганишга оид. Соатов қалқонсимон без таркибидан йод сакловчи тиреоглобулин ва тиреоальбумин оқсилларини соф ҳодда ажратиб олди, уларнинг таркиби, физиккимёвий хоссаларини ўрганди, буқоқ пайдо бўлишининг генетик носозликлар б-н боғликлиги ҳақидаги гипотезани илгари сурди, организмнинг инсулинга сезгирлигини аниклаш усулини ишлаб чиқди. Беруний номидаги Ўзбекистон Давлат мукофоти лауреати (1985).

Ас: Йодпротеины щитовидной железы (в соавторстве), Т., 1974; Циклические нуклеотиды и регуляция клеточного метаболизма (в соавторстве), Т., 1983; Биосинтез ва функциональная роль липопротеидов крови (в соавторстве), Т., 1987.