СОТИМОВ Нўъмон Юнусович

СОТИМОВ Нўъмон Юнусович (1939.15.12, Андижон) — математик олим, Ўзбекистон ФА акад. (2000), физикамат, фанлари д-ри (1977), проф. (1978). Москва ун-тини тугатган (1962). Ўзбекистон ФА Математика ин-ти аспиранти, кичик илмий ходим (196268). ТошДУ да катта ўқитувчи, доцент, кафедра мудири (1968—74). Москвадаги Математика ин-тида катта илмий ходим (197476). 1976 й. дан ТошДУ (ҳоз. Ўзбекистон миллий ун-ти)да доцент, проф., декан (1985 — 87), кафедра мудири (1976 й. дан). Илмий ишлари дифференциал тенгламалар, оптимал бошқарув ва зиддиятли жараёнлар назариясига оид. Оптимал бошкарув назариясида Беллман тенгламаси ечимларининг дифференциалланувчилик хоссасини тадқиқ этган. Зиддиятли жараёнларга мансуб таъқиб этиш масаласини ечиш усулини яратган; учрашувдан четлашиш масаласи ечимининг мавжудлиги учун етарли шартлар таклиф этган. Комплекс дифференциал тенгламалар билан ифодаланган бошқарилувчи жараёнларни ўрганиш назариясига муқим ҳисса қўшган. Беруний номидаги Ўзбекистон Давлат мукофоти лауреати (1985).

Ас: Методы решения задачи уклонения от встречи в математической теории управления, Т., 2000; Методы решения задачи преследования в теории дифференциальных игр, Т., 2003.

Loading...