СТАЗ

СТАЗ (юн. stasis — димланиб қолиш, ҳаракатсизлик) — найсимон аъзолар (капиллярлар, веналар, лимфа томирлар ва б.)да улардан ўтадиган физиологик суюқлик, мас, қон (гемостаз), лимфа (лимфостаз) ва б. нинг димланиб, тўхтаб қолиши. Кимёвий ва физик омиллар, бактериялар заҳари таъсирида, томирлар иннервациясининг бузилиши ва б. оқибатида рўй беради. Тиббиёт амалиётида «Стаз» термини кўпроқ капиллярлар ёки венада қон тўхтаб қолишини ифодалайди.