СТРАТИФОРМ КОНЛАР — фойдали қазилмаларнинг вулканогенчўкинди ва қатқатли чўкинди тоғ жинслари қалин қатламларидаги бир ёки бир неча стратиграфик горизонтда тўпланган уюмлари. Стратиформ конлар сингенетикмагматик ва эпигенетикпостмагматик йўллар билан хреил бўлади. Карбонатли жинслар қатламларидаги қўрғошинрух (АҚШ, Миссисури штатидаги конлар) ҳамда қумтош ва сланец қатламларидаги мис конлари (Қозоғистон, Жезқазган кони) Стратиформ конлар учун характерли. Стратиформ конларда қатлам таналари ўзини сиғдирган ва улар билан мувофиқ ётган тоғ жинсларига нисбатан кўп. Улар рудаларнинг оддий минерал таркиби билан фарқ қилади, бу эса рудали жинсларнинг бир ёки бир нечта катламларида мис, рух, қўрғошин сульфидларининг холхоллиги ва ҳамроҳ минералларнинг миқдорига боғлиқ. Стратиформ конлар катта ҳажмдаги кенг қамровли ривожланишга эга бўлиб, бепоён рудали р-нлар ва провинцияларда шаклланади (мас, Миссисипи водийсидаги қўрғошинрух конлари). «Стратиформ конлар» термини, ушбу конларнинг пайдо бўлиш муаммоси юзасидан 1969 й. да НьюЙоркда ўтказилган конференцияда қабул қилинган. Ўзбекистонда Стратиформ конлар сирасига Учқулоч (Шим. Нурота тизмаси), Сарикон, Конжайлов (Чатқол тизмаси) каби қўрғошинрух конлари киради.