СЦЕНАРИЙ (итал. scenario) — 1) пьеса мазмунининг қисқа баёни, импровизация театри, томошаси, балет спектакллари, оммавий томоша ва б. ўйинлар яратиладиган сюжет тузилиши;
2) кино санъати ва телевидение воситалари ёрдамида гавдалантириб кўрсатишга мўлжалланган адабий асар. Дастлабки фильмларда сюжетлар ўта содда бўлиб, қоғозга туширилмаган, фильм ижодкорлари уларни ўз миясида сакдаган. Кейинроқ фильмлар мазмуни чуқурлаша борган сари С ёзишга эҳтиёж туғилди. «Овозсиз кино» даврида’С шакли режасхема тарзида бўлиб, суратга олиниши керак бўлган объектларгина кадрмакадр белгиланиб, қаердан ва қандай суратга олиниши кўрсатилган холос. Сценарийлар «техник», «рақамли», «темир» номлари билан юритилган. Суратга олинаётган воқеа нимадан бошланиб нима билан тугалланиши, актёр ўзини қандай тутиши, кадр нимани англатиши қайд этила бошлагандан сўнггина киносценарий адабиётнинг алоҳида жанри сифатида кино асарига айланди. Шундай қилиб, 20-а. бошларида сценарийнавис (кинодраматург) термини пайдо бўлди. Ўзбек киносининг дастлабки йилларидаЛ. Сайфулина, В. Собберей, Д. Бассалиго, Н. Кладо ва б. сценарийчилар етакчилик қилган. Биринчи ўзбек киносценарийчиси Сценарий Хўжаев бўлган. Ўзбекистонда Сценарий жанрининг ривожланишида кинорежиссёр Наби Ғониевнинг хизматлари алоҳида. Э. Ҳамроев, А. Шароповлар ҳам дастлабки ўзбек сценарийчиларидан. Кейинчалик К. Яшин, С. Абдулла, А. Қаҳҳор, М. Шайхзода, Т. Тўла, Р. Файзий, О. Ёқубов, С. Ахмад, С. Абдуқаҳҳор, У. Назаров, Ф. Мусажонов, Ш. Бошбеков, У. Азим, О. Агишев, Р. Муҳаммаджонов, М. Мелкумов, К. Ёрматов, Ш. Аббосов, Ю. Розиқов ва б. етакчи сценарийчилардан.
Анвар Ёқубхўжаев.