СУҒОРИЛАДИГАН ЕРЛАРДА ҒАЛЛА ВА ДУККАКЛИ ЎСИМЛИКЛАР ИНСТИТУТИ — ғаллачилик соҳасидаги йирик илмий тадқиқот маркази. Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги илмий ишлаб чиқариш. маркази таркибида. 1997 й. 25 авг. да ташкил этилган. Андижон вилоятининг Куйганёр посёлкасида жойлашган. Ин-тда 11 та бўлим (дон экинлари селекцияси; дон экинлари агротехникаси; уруғчилик; агрокимё; дуккакли ва ем-хашак экинлари селекция ва агротехникаси; бирламчи селекция материалларини яратиш ва уларни баҳолаш; ўсимликларни ҳимоя қилиш; ўсимликлар физиологияси, биокимёси ва сифат таҳлили; механизация; иқтисодиёт; филиаллар фаолиятини мувофиқлаштириш ва фан ютуқларини ишлаб чиқариш. га жорий этиш) фаолият кўрсатади. Интнинг Қорақалпоғистон Республикаси, 10 вилоят (Андижон вилоятидан ташқари)нинг туманларидаги ширкат хўжаликларида ва тажриба стяларида жойлашган вилоят филиаллари, Ғаллаорол филиали, Избоскан туманида «Истик^лол» тажриба хўжалиги бор. Инт филиаллари ва тажриба хўжалигининг ер майд. 2695 га. Инт илмий фаолиятининг асосий йўналишлари Ўзбекистоннинг турли тупроқ ва иқлим шароитларига мослашган, касалликларга чидамли, маҳсулдор, дон сифати юқори бошокли ва дуккакли экинларнинг янги навларини яратиш, уларни етиштириш технологиясини ишлаб чиқиш ҳамда бирламчи уруғчилик тизимини ташкил этишдан иборат.
Ин-тда турли мамлакатлардан келтирилган бошоқли дон экинлари навларининг 8 минг, дуккакли экинларининг 700 дан ортиқ навлари коллекциям тўпланган. 1997—2004 й. ларда юмшоқ кузги буғдойнинг 12, тритикаленинг 1, хўраки кўк ныхатнинг 1 янги нави яратилди. Улардан Чиллаки, Андижон 2 ва Андижон 4 кузги юмшоқ буғдой навлари Давлат реестрига киритилди. Бу навларнинг бирламчи уруғчилик тизими ташкил этилиб уруғи кўпайтирилмоқца. Ин-тда 6 фан д-ри, 18 фан номзоди ва 50 дан ортиқ малакали илмий ходим ҳамда мутахассислар ишлайди (2004). Инт фаолияти Р. И. Сиддиқов, Т. Жалолов, С. Тешабоев, И. У. Эгамов ва б. олимларнинг номлари билан боглик. Инт республикадаги 10 дан ортиқ и. т. интлари, РФ Краснодар ш. даги П. П. Лукъяненко номидаги Қишлоқ хўжалиги и. т. инти, олий ўқув юртлари ҳамда бир қатор халқаро илмий марказлар (ИКАРДА) билан ҳамкорлик қилади.
Равшан Сиддиқов.