СУВ СИҒИМИ — сувга ботирилган қаттиқ жисм, мае., сузиб кетаётган кема сиқиб чиқарадиган сув миқдори (ҳажми). Ҳажмий ва оғирлик бўйича сиғимлар фарқ қилинади. Ҳажмий Сув сиғими жисмнинг сувга ботиб турган қисми сиқиб чиқарган сув ҳажмини билдиради. Оғирлик бўйича Сув сиғими архимед қонунига мувофиқ жисмнинг оғирлигига тенг бўлади. Бундай сиғим миқдор жих. атдан ўзгармай қолади. Ҳажмий Сув сиғими сувнинг зичлигига қараб ўзгариши мумкин. Сувга ботирилган жисмга шу жисм сиқиб чиқарган сув оғирлигига тенг кўтариш кучи таъсир қилади. Агар жисмнинг оғирлиги кўтариш кучидан катта бўлса, жисм сувга чўкади, кичик бўлса, — чўкмайди, мабодо тенг бўлса, жисм сувнинг исталган жойида туриши мумкин. Сув сиғими кемачиликда, амалий ва назарий и. т. ишларида, жисмларнинг солиштирма оғирлигини аниклаш ва б. да қўлланилади.