СУВАЙШ БЎЙНИ — Ўрта денгизни Қизил денгиздан ажратиб турувчи қуруқлик, Миср худудида. Африка билан Осиё материгини бирлаштириб туради. Энг кенг жойи 112 км. Тектоник чўкмадан иборат. Ер юзаси гилли текислик, ғарби қумтепа ва барханлардан иборат (энг баланд жойи 107 м). Иқлими субтропик чўл иқлими. Шўрхоклар, шўр кўллар (Катта Шўр кўл ва б.) бор. Сб. орқали Сувайш канали ўтказилган.