СХЕМОТЕХНИКА — радиотехника, алоқа, автоматика, ҳисоблаш техникаси ва б. нинг электрон қурилмаларини тахлил ва синтез қилиш муаммоларини ўз ичига олган илмийтехникавий йўналиш. Юқорида санаб ўтилган қурилмаларнинг аниқ ишлашини таъминлаш ва уларнинг таркибига кирадиган элементларнинг параметрларини ҳисоблаш учун қўлланади. «Схемотехника» термини 20-а. 60й. ларида кўп функцияли электрон қурилмаларнинг пайдо бўлиши билан боғлиқ равишда пайдо бўлган. Схемотехниканинг назарий базасини чизиқли ва ночизиқли электр занжирлари назарияси, электродинамика, математик дастурлаш, автоматлар назарияси ва б. ташкил қилади. Электр ва радиоэлементлар (резисторлар, конденсаторлар, диодлар, транзисторлар ва б.) ва интеграл микросхемалар электрон қурилмаларнинг элементлар базаси сифатида хизмат қилади.