ШАҲРИСТОН

ШАҲРИСТОН — 1) Шаркда ўрта асрларда шаҳарларнинг маркази, мудофаа девори билан мустаҳкамланган асосий қисми. Сарой (баъзан арк), жоме масжид, ёпиқ (тим) ёки очиқ бозор, бош майдон — регистон, муҳим маъмурий бинолар, ҳукмдор ва унинг яқинларининг қўрғонлари, шунингдек, оддий аҳоли хонадонлари ва бошқалар бўлган. Илк даврларда унда боғ, экинзорлар ҳам бўлган. қадимий Бухоро Ш. и аркдан алоҳида қурилган (Наршахийнинг ёзишича, аркнинг бир дарвозасидан арк олдидаги майдон — регистонга, 2дарвозасидан Шаҳристонга чиқилган).

Шаҳристонлар йирикасосий кўчалар билан бир неча даҳаларга бўлинган. Мас, Бухоро Шаҳристон ида ғарбдан шарққа, шим. дан жан. га ўтган қўча Шаҳристонни 4 тенг қисмга бўлган. Шаҳристонда дастлаб деҳқонлар, араб истилосидан кейин савдо ва ҳунармандчилик ривож топгач, савдогарлар, ҳунармандлар (ҳоким табақа билан бир Шаҳристонда) яшаганлар. Кейинги асрларда Шаҳристон атрофида ташқи шаҳаррабод қурилган. Ўрта Осиёда қўш — ички ва ташқи рабод билан ўралган Шаҳристон ҳам бўлган (мас, Бинкат); 2) бир-бирига яқин шаҳарлар гуруҳи.

Loading...