ШАМОЛСИЗ ОРОЛЛАР, Жанубий Антил ороллари — Кариб денгизидаги вулкан ва маржон ороллар гуруҳи, Кичик Антил ороллари архипелагининг жан. қисми. Таркибида Аруба, Кюрасао, Бонайре, Авес ва б. ороллар бор. Майд. 1,2 минг км2. Аҳоли, асосан, Кюрасао ва Аруба о. ларида яшайди. Йирик ороллар рельефи тоғли, майдалари — паеттекислик. Иқлими тропик, йиллик ёғин 500 — 600 мм. Доим яшил қаттиқ баргли ўрмонлар ва бутазорлар билан қопланган. Миллий боғлар ташкил этилган. Сорго, банан, батат плантациялари бор. Қўй ва эчки боқилади. Нефть конлари топилган. Йирик шаҳарлари: Виллемстад ва Ораньестад. Оролларга дастлаб 1499 й. да европалик денгизчи сайёхлардан А. Охеда ва А. Веспуччи борган. Ороллар (Шамолли о. ларга нисбатан) шим. шарқий пассат оқимига нисбатан терс жойлашганлиги сабабли Шамолсиз ороллар деб номланган.