ШАРИФХЎЖАЕВ Мурод (1932.20.8, Тошкент) — иқтисодчи олим, Ўзбекистон ФА акад. (1995), иқтисод фанлари дри (1976), проф. (1978), Ўзбекистонда хизмат кўрсатган фан арбоби (1981), Ўзбекистонда хизмат кўрсатган мураббий (1992). Тошкент молия иқтисод интини тугатган (1953). Шу интда аспирант, ассистент, катта ўқитувчи (1953—63), доцент (1963—67), халқ хўжалигини режалаштириш кафедраси мудири (1967—79). Ўзбекистон Давлат план қўмитаси (Госплан) қошидаги Иқтисодий и. т. ин-ти директори (1975— 76), Тошкент халқ хўжалиги ин-ти ректори (1976—86), Қурилиш комплекслари раҳбарлари ва мутахассислари малакасини ошириш ва кайта тайёрлаш ин-ти проректори (1986—90), Ўзбекистон ФА бош илмий котиби (1990—91). Ўзбекистон Республикаси Бош вазири ўринбосари ва Истиқболни белгилаш ва статистика давлат қўмитаси раиси (1994—95), Ўзбекистон Республикаси Президенти ҳузуридаги Давлат ва жамият қурилиши академиясининг ректори (1995 й. апр. — июль). Тошкент молия ин-ти ректори (1991—2005).
Илмий ишлари Ўзбекистонда капитал қурилиши, иқтисодий назария, республиканинг иқтисодий мустақиллигини мустаҳкамлаш, иқтисодиётни эркинлаштириш, халқ хўжалигида таркибий ўзгаришлар, ташқи иқтисодий алоқалар, аҳолини иш билан таъминлаш ва б. масалаларга бағишланган. Олий ўқув юртлари учун дарслик, ўқув қўлланмалари муаллифи. 2чақириқ Ўзбекистон Республикаси Олий Мажлиси депутати. 2005 й. фев. дан Ўзбекистон Республикаси Олий Мажлиси Сенати раиси.
Ас: Капитальное строительство в Узбекистане и его материальнотехническая база, Т., 1971; Экономические проблемы производства строительных материалов, Т., 1971; Бозор иктисодиёти назарияси ва амалиёти, Т., 2000; Менежмент, Т., 2001; Узбекистан. Янги ғоялар, янги ютуклар, Т., 2002; Ўзбекистонда очиқ фуқаролик жамиятининг шаклланиши, Т., 2003; Человек, определившей эпоху, М, 2004; Даврни белгилаб берган инсон, Т., 2004 (ҳаммуаллифликда).