ШАРҚ, шарқ нуқтаси — уфқ (дунё томонлари)нинг тўрт асосий нуқтасидан бири, шим. га қараб турган кузатувчининг ўнг томонида. Ўзбек тилидаги хариталарда Шқ., нем. О (Ost) ёки инг. Е (East) ҳарфи билан белгиланади. Тенгкунлик пайтида Қуёш Ш. нуқтасига яқин ердан чиқади. Осмон сферасида Шарқ нуқтаси ҳақиқий уфқ (горизонт) билан осмон экватори кесишадиган иккита нуқтанинг биридир.