ШАХТА ПЕЧИ

ШАХТА ПЕЧИ — иш бўшлиғи юқорига тик чўзилган саноат печи; кўндаланг кесими доира (цилиндрик, конуссимон) ёки тўғри тўртбурчак шаклда бўлади. Ишлов бериладиган материал (шихта) юқоридан солинади, тайёр маҳсулот эса пастдан олинади; ёқилғининг газсимон ёниш маҳсулотлари юқоридан тушиб келаётган материалга қарши ҳаракатланади. Шахта печи, асосан, рудалардан металлар олишда (мас, Домна печи), металл эритишда (қ. Вагранка), ўтга чидамли хом ашёни қаттиқ қиздиришда ишлатилади. Шунингдек, металларга термик ишлов бериш учун электр қаршиликли Шахта печи қўлланади.