ШЧЕДРИН Родион Константинович

ШЧЕДРИН Родион Константинович (1932.16.12, Москва) — рус композитори, пианиночи, мусиқа жамоат арбоби. Халқ артисти (1981). Москва консерваториясини тугатган (1955). Россия Композиторлар уюшмаси раиси (1973—90). Ижодида рус мусиқа фольклори («Фақат севги эмас» операси, 1961; «Букри тойчоқ» балети, 1960; «Жаранг» оркестр учун концерти, 1968 ва бошқалар), рус черков айтимлари («Тасвирланган фаришта» литургияси, 1991) ва бошқалар га кенг мурожаат қилиб, уларни замонавий композиция техникаси (алеаторика, соноризм ва бошқалар) билан уйғунлаштирган. «Лолита» (1993) операси, «Карменсюита» (Ж. Бизенинг операси асосида, 1967), «Анна Каренина» (1972), «Чайка» (1980), «Лайча етаклаган хоним» (1985) балетлари (ҳаммаси М. ГҒлисецкая учун яратилган), 5 фортепиано (1954—99), 4 оркестр (1960—89), скрипка, альт, виолончель, труба учун концертлари (1994—97), камер ва хор асарлари, кинофильмлар («Баландлик», «НормандияНеман» ва бошқалар) учун ёзган мусиқалари машҳур. Йирик асарларига улуғворлик ва теран фожиавийлик, шоироналик ва жўшқинлик, шўх юмор ва ўткир ҳажвия хос. Давлат (1972), Россия Давлат мукофот (1992)лари лауреати. Ўзбекистонда «Карменсюита» ва «Анна Каренина» балетлари Навоий театрица саҳналаштирилган, концерт ва камер асарлари мунтазам ижро этилмоқда.

Loading...