ШНЕК, винтли транспортёр (нем. §сппеске — чиғаноқ, узлуксиз винт) — иш органи узлуксиз винтсимон парракдан ёки винтсимон сиртида бир неча паррак ўрнатилган валдан иборат бўлган конвейер. Паррак ёки вал ёпиқ кожух ичида айланади. Асосан, сочилувчан, ёпишқоқ ва бошқалар материалларни яқин масофага узлуксиз ташишда ишлатилади. Шнек тузилиши ва иш органларига қараб, пресслаш, тозалаш ва юклаш учун мўлжалланган турларга бўлинади. Шнек горизонтал, қия ва тик ҳолатда ишлай олади.