ТАНТАЛНИОБАТЛАР — минераллар гуруҳи — Та, МЬларнинг Fe, Mn, Ca, Na, нодир ер элементлари ва бошкалар билан табиий комплекс бирикмалари. Гранит, пегматит, карбонатитларда акцессор минерал кўринишида учрайди. Та, Nb, Y ларнинг рудалари. Умумлашган формуласи AnBmXp, бунда А — катионлари йирик ёки ўртача ўлчамда. Танталниобатлар синфи 100 дан ортиқ минерал ва уларнинг хилларини камраб олган. Асосий минераллари: колумбит, танталит, лопарит, пирохлор, иксиолит, самарскит, эвксенит, микролит ва б. Т. н. структурасининг асосида А гуруҳи катионлари билан ўзаро боғланган ниобийли (танталли) — кислородли октаэдрлар ётади. U, Th ва TR таркибли Танталниобатлар метамиктли, кучли радиоактивли бўлиб, ўзида ўзгарувчан микдорда сув саклайди; полиморфли модификацияси кўп. Танталниобатлар майда холхоллик ҳосил қилиб, йирик кўринишда кам учрайди (кристаллари лопарит, пирохлор, колумбиттанталит учун хос). Ранги қора, тўқ қўнғир, қўнғирсариқ; мангантанталит пушти, симпсонит оч сариқ рангда. Одатда, ярим шаффоф, шишадек ялтирайди, метамиктли хиллари — смоласимон ялтироқ. Қаттиклиги 4,5 — 8, кўпинча 5—6, метамиктли Танталниобатлар ники бундан камроқ. Зичлиги 3,5—9 г/см3 (Та ва Ti миқдорига боғлиқ). Fe, Mn ва TR таркибли Танталниобатлар кучсиз магнитли. Танталниобатлар — нефелинли сиенитларда, гранитларда акцессор минерал; гранитли ва ишқорли пегматитларда, нодир металли альбитлашган гранитлар, дала шпатли метасоматитлар, карбонатитлар, луявритлар ва фойяитларда юқори концентрация ҳосил қилади (қ. Ниобий рудалари, Тантал рудалари).