ТАРАН, (ҳарбий ишда) — 1) қамал қуроли (учига темир пайкон ўрнатилган тўсин); қадимда, ўрта асрларда қалъа деворларини бузиш мақсадида қўлланилган;
2) эшкакли ёки зирхли (броненосец) флотларда душман кемасига зарба бериш учун мўлжалланган кема учининг сув ости қисмидаги туртиб чиққан қисми;
3) ҳаво, денгиз ва танк жангида қўлланиладиган усул: самолёт фюзелажи (винти ёки қаноти), кема, танк корпуси билан душман самолёти, кемаси, танкига зарба бериш.