ТАРФ — ёғи олинмаган қатиқдан тайёрланадиган маҳсулот. Т. тайёрлаш учун янги сўйилган қўй ёки эчки корни намакобда ивитилиб, сўнгра ич томони қириб, яхшилаб ювибтозаланиб, пуфлаб шиширилган ҳолда тайёрлаб қўйилади. Баҳор — ёз мавсумида ивитилган чучук қатиқ 1—2 кун оралатиб қоринга солиниб, салқинроқ жойда сақланади. Қорин тўлганидан кейин оғзи мағкам беркитилиб, осиб қўйилади. Иссиқ таъсирида қатиқ зардоби қорин капилярларидан буғланиб кетади, қоринда эса мазали Тарф ҳосил бўлади. Тарф асосан қишда истеъмол қилинади. Азалдан чорвадорлар тайёрлаб келган. Ўзбекистоннинг айрим қишлокларида хонадонларда ҳозир ҳам тайёрланади.