ТАРМАШИРИН

ТАРМАШИРИН, Алоуддин Тармаширин (? — 1334) — Мовароуннаҳр султони (1326—34). Чиғатоийлардан. Тармаширин ёшлигида буддавийча Дармашила («дҳарма, яъни Будда қонунига итоат этувчи») номи билан аталган. Исломни қабул қилгач, Алоуддин деб атала бошлаган. Исломни қабул қилгани, кўчманчилар анъаналарини бузиб, шаҳарда яшай бошлагани, бу салтанат шарқидаги (Еттисув ва Иссиқкўл бўйидаги) кўчманчи мўғулларнинг норозилигига ва уларни қўзғолон кўтаришига сабаб бўлган. Қўзғолончилар Тармаширинни ўлдирганлар, хонлар қароргоҳи яна бир неча йилга Или дарёси бўйларига кўчирилган.

Prev Article

ТАРКИББАНД

Next Article

ТАРОВИҲ