ТАУНС (Townes) Чарл Хард (1915.28.7, Гринвилл, Жанубий Каролина) — америкалик физик, квант электроника асосчиларидан бири. Гринвилд (1931—37), Калифорния технология инти (1937—39) да ўқиган. Колумбия унтида (1948 й. дан; 1950 й. дан проф.), Массачусетс технология интида (1961—66 й. дан проф.) ишлаган. Калифорния унтида физика бўлими бошлиғи (1967 й. дан). Асосий илмий ишлари квант электроникага оид. Н. Г. Басов ва A. M. Прохоровдан мустақил тарзда биринчи квант генератори — мазерни яратган (1954). Америкалик физик А. Шавлов билан биргаликда оптик квант генератори — лазернм яратиш мумкинлигини асослаб берган (1958). Квант электроника ва чизикли бўлмаган оптика усулларини астрофизиката қўллаб, бошқалар билан ҳамкорликда космосдаги мазер эффектини очган (1969). Нобель мукофоти лауреати (1964; Н. Г. Басов ва А. М. Прохоров билан ҳамкорликда).