ТАХТИ САНГИН — Тожикистоннинг Қубодиён туманидаги қад. шаҳар харобаси (мил. ав. 3-а. — мил. 3-а.). Амударёнинг ўнг қирғоғида, Вахш ва Панж дарёлари қўшилган ерда, тор водийда жойлашган. Бу водий ғарбдан ТахтиҚубод тоғи, шаркдан Вахш дарёси билан чегараланган, 2 қатор тош девор (оралиқ масофа — 2 км) билан мухрфазаланган. Девор оралиғида турли иншоотлар қурилган. Марказда қалъаҳисор (275 — 165 м.), атрофи тош девор билан ўралган. Девор қалинлиги 2 м, бал. 8 м, миноралари бўлган, атрофига хандақ қазилган. Оке дарёси маъбудига аталган йирик ибодатхона мажмуаси (51×51 м) очилган. У 4 устунли зал (меҳмонхона) дан (12×12 м) иборат бўлиб, атрофи 2 қаторли йўлак билан ўралган. Ибодатхона деворининг қалинлиги 3 м, йирик хом ғиштдан (50^50×14 см) қурилган. Т. Сдан эллин маданиятига мансуб кўплаб ҳайкалтарошлик намуналари, фил суягидан ясалган буюмлар, ханжар—акинаклар, қимматбаҳо ғилофлар, юзлаб ЮнонБақтрия, Кушон, парфян ва ҳинд тангалари, 3000 га яқин темир ва 50 жез пайкон топилган.