ТЕКС (лот. texo — тўқийман, ўрайман) , толанинг чизиқли зичлиги — тола ёки ипнинг чизикли зичлигини ифодалайдиган катталик, тола массасининг тола узунлигига нисбати. Толанинг сифат кўрсаткичи. Халқаро бирликлар системаси бўйича Текс (г/км)ларда ўлчанади. 1Т=1г/ км=1 мг/м. Т. сони 1 км тола узунлигига неча г масса тўғри келишини кўрсатади. Толанинг чизикли зичлиги 1 Т. дан кичикроқ бўлса, километрга миллиграмм (мг/км)да ёки милли Текс ларда (мтекс) белгиланади. Калава иплар ва ипларнинг чизикли зичлиги 1000 Тексдан катта бўлса, килограмм (кг/км)да ёки килотекс (ктекс) да белгиланади; 1 тексқ1000 мтексқ0,001 ктекс.