ТЕТЕРЕВ — Украинанинг Житомир ва Киев вилоятларидаги дарё. Днепрнинг ўнг ирмоғи. Уз. 365 км. Ҳавзасининг майд. 15100 км2. Днепр бўйи қирларидан бошланади ва Полесье бўйлаб оқиб, Киев сув омборига қуйилади. Асосан, қор сувларидан тўйинади. Ўртача сув сарфи қуйилиш жойидан 136 км да 18,4 м3/сек. Дек. да музлаб, мартда муздан бўшайди. Қуйи қисмида кема қатнайди ва ёғоч оқизилади. Тетерев бўйида Житомир, Коростишев, Радомишль ш. лари жойлашган.