ТОККАТА (итал. toccata — тегиш, зарб) — асосан, клавишли мусиқа чолғулар учун ёзилган виртуоз мусиқа асари. 16-а. да Италияда пайдо бўлиб, дастлаб бадиҳа шаклидаги прелюдия (А. ва Ж. Габриели ва б.), кейинчалик концерт асари сифатида (И. Фробергер, Д. Букстехуде ва б.) ривож топди. И. С. Бах ижодида қад. Токката жанри ўз бадиий чўққисига кўтарилди (орган учун — ре минор Т. ва фугаси машҳур). 20-а. да фортепиано (К. Дебюсси, С. Прокофьев, Ф. Бузони, А. Хачатурян ва б.) ва орган (М. Регер ва б.) Тлар билан бирга оркестр (А. Малявский), скрипка ва оркестр (И. Стравинскийнинг скрипка ва оркестр учун концертнинг lqисми) пайдо бўлди. Ўзбекистонда И. Акбаров, Х. Изомов, Г. Мушель ва б. фортепиано, орган учун Токкаталар яратганлар.