ТОМСОН

ТОМСОН (Thomson) — отабола инглиз физиклари.

1) Жозеф Жон (1856.18.12, ЧитемХилл, Манчестер яқинида — 1940.30.8, Кембриж) — инглиз физиги, металларнинг электрон назарияси асосчиларидан бири. Лондон Қироллик жамияти аъзоси (1884 й. дан) ва президенти (1915 — 1920). Манчестердаги Оуэне коллежини (1876) ва Кембриж унтининг Тринити коллежини (1880) тугатган. 1884-1919 й. ларда Кембриж ун-ти проф ва Кавендиш лаб. раҳбари. 1897 й. да электронна кашф этиб, унинг зарядини ва массасини аниклаган. 1903 й. да атомнинг биринчи моделини таклиф қилган. Рентген нурининг узлуксиз спектрини тушунтириб берган. 1911 й. да параболалар усулини ишлаб чиққан, бу усул кейинчалик массспектрометрия соҳасининг яратилишига олиб келди. Томсон изотопларни очишда катта роль ўйнади. Газлардаги электр разрядларини ўрганди. Нобель мукофоти лауреати (1906).

2) Жорж Пажет (1892.3.5 Кембриж — 1975.10.9) — инглиз физиги, Лондон Қироллик жамияти аъзоси (1930 й. дан). Кембриж унтини тугатган (1914). Илмий ишлари атом ва ядро физикаси, квант механика, аэродинамика ва б. га оид. Электронлар дифракцияси ҳодисасини кашф этиб (1926—27; америкалик физик Л. Жермер (1896— 1971) ва КЖ. Дэвиссонтн мустақил равишда), уларнинг тўлқин табиатга эга эканлигини амалда исбот қилган. Нобель мукофоти лауреати (1937; К. Ж. Девиссон билан ҳамкорликда).