ТУФ — сочпопук тури; майда қилиб ўрилган сочларга мустаҳкамланади. Шакли тасмага бириктирилган 10 дан зиёд ип тутамларидан иборат, тутамлар учи 1—3 қаторли ўзига хос зарҳалланган кумуш найча ёки зар симлардан ясаладиган мураккаб шаклдаги шарчали қуббачалар билан безатилган (безаклари ёйсимон жойлашадиган) шокилалар билан якунланади. Шокила безакларига кўра, содда Туф (зар симлардан ясаладиган қуббачалардан тузилган) ҳамда ҳашамдор Туф (дур, маржонлар тақилган мураккаб шаклли шарчалардан тузилган) хиллари бор.