УБАЙДУЛЛАЕВА Раъно Ахатовна

УБАЙДУЛЛАЕВА Раъно Ахатовна (1936.4.11, Тошкент) — иқтисодчи олима, Ўзбекистон ФА акад. (2000), иқтисод фанлари д-ри (1976), проф. (1981). Тошкент молия-иқтисод ин-тини тугатган (1958). Ўзбекистон ФА Иқтисодиёт интида лаборант (1958 — 60), аспирант (1960—63), кичик илмий ходим (1963— 64), катта илмий ходим (1964—66), бўлим бошлиғи (1967—78; 1992—93), директор ўринбосари (1978 — 90) бўлиб ишлаган. 1993 — 97 й. ларда Ўзбекистон Республикаси Меҳнат вазири ўринбосари. 1998 й. дан «Ижтимоий фикр» жамоатчилик фикрини ўрганиш маркази директори. Илмий ишлари Ўзбекистонда меҳнат ресурсларидан, хусусан, аёллар меҳнатидан фойдаланишнинг ижтимоий-иқтисодий муаммолари, оила, аҳолишунослик, жамоатчилик фикрини ўрганиш ва б. масалаларга бағишланган. Ас: Женский труд в сельском хозяйстве Узбекистана, Т., 1969; Трудовые ресурсы Узбекистана, Т., 1970 (в соавторстве); Структурная преобразования в экономике и занятость женщин. Т., 1996; Меҳнат иқтисодиёти ва социологияси (ўқув қўлланма), Т., 2001.

Loading...