УРСОЛ КИСЛОТА, С29Н46(ОН) СООН — тритерпенлар синфига оид органик кислота, оқ кристалл модда. Мол. м. 456,37, суюкланиш т-раси 112°. Сувда эримайди, спирт, хлороформ ва б. қутбланган органик эритувчиларда яхши эрийди. Урсол кислота олма меваларининг чиқиндиларидан (қуритилган пўчоғидан) Сосклет аппаратида спирт билан экстрациялаб олинади. Клюква турупи (чиқиндиси) ни хлороформ билан экстракциялаб ҳам Урсол кислотани ажратиб олиш мумкин. Урсол кислота биологик фаол модда, юракни озиклантирадиган вена қон томирларини кенгайтириб, натрий ионларини сақлаб қолиш хусусиятига эга; вирусга ва яллиғланишга қарши таъсир кўрсатади. Урсол кислотанинг метил эфири — эмульгатор.