УСТАХОНА — 1) касбҳунар эгалари — усталар ишлаши учун махсус жиҳозланган жой, ишхона. Шарқ (жумладан, Ўрта Осиё)да усталар, асосан, кўча юзига қаратиб, уйларидан махсус жой ажратиб, Устахона қилганлар; шу тарзда заргарлик, темирчилик ва б. У. лар маҳалла (раста)лари юзага келган. Шунингдек, Устахонада усталар ишлаш билан бирга «усташогирд тизими» асосида шогирдлар ҳам тайёрлаган; бу анъана ҳозир ҳам сакланган; 2) саноат корхоналарида тузатиш ишлари олиб бориладиган бўлим;
3) ижодкор, жумладан, рассом, ҳайкалтарош ва б. нинг иш (ижод) хонаси (яна к. Студия).