ВАЛЛАХ (Wallach) Отто (1847. 27. 3, Кенигсберг — 1931. 26. 2, Гёттинген) — немис органик кимёгари. Бонн (1876 й. дан), Гёттинген ун-ти проф. (1889 — 1915). Асосий ишлари алициклик бири кмалар ва терпенлар кимёсига оид. У терпенлар синфига мансуб қатор бирикмалар (лимонен, фелландрен, терпинеол, фенхон, метилгептанон ва б.)ни ажратиб олган ва улар хоссала-рини ўрганган, шунингдек терпенлар-нинг изопренлар билан генетик боглан-ганлигини кўрсатиб берган (1891); аль-дегидлар ва кетонларнинг бирламчи ҳамда иккиламчи аминлар ва чумоли кислоталар билан қайтарилиб аминланиш реакциясини кашф этган. Германияда хушбўй моддалар ишлаб чиқарадиган корхона қуриш ташаббускорларидан бири бўлган. Нобель мукофоти лауреати (1910).