ВАРАҚИ

ВАРАҚИ — хамир, гўшт ва пиёздан тайёрланадиган таом. Юпқа (1—2 мм) ёйилган хамир юзасига ёғ суркаб, эни 7—8 см ли тасмалар кесилади. Тасмалардан 3—4 таси устма-уст қўйилиб, эни 7—8 см қилиб кесилади ва 3—4 қаватли жилдлар ҳосил бўлади. Ҳар бир жилд ўртаси жўва билан нафисроқ ёйилади. Ёғда қовуриб олинган қийма жилдларни буклаб тугилади ва қизаргунча ёғда қовурилади. Варақини тандир варақи сомса тури ҳам бор. У ҳам шу тарзда тайёрланади, фақат сомса каби тандирга ёпиб ёки духовкада пиширилади (қ. Сомса).

Loading...