ВАТАН

«ВАТАН» — «Ўзбеккино» давлат акциядорлик компанияси» тасарруфидаги киностудия. 1990 й. да «Ўзбекфильм»дан мустақил киностудия сифатида ажралиб чиққан. Тошкент ш. да жойлашган. Асосий фаолияти — фильмлар, видеофильмлар и. ч. ва ижарага беришдир; шунингдек, фильмлар рекламаси билан ҳам шуғулланади. Ташкил қилинганидан буён 10 га яқин тўламетражли ва қисқаметражли фильмларни тайёрлади: «Тангалик болалар» (реж. Т. Юнусов), «Абдуллажон» (реж. 3. Мусоқов), «Ярим тундаги блюс» (реж. Р. Маликов, М. Раҳматов), «Биринчи бўса» (реж. Б. Одилов), «Қирқ қулоқ сирлари» (реж. Р. Маликов), «Олтин девор» (реж. Р. Муҳаммаджонов). «Қариб қуюлмаган чол» (реж. М. Абзалов), «Шўрпешоналар» (реж. Ж. Қосимов), «Қиёмат кун» (реж. Д. Абдуллаев) ва б. Студиянинг бадиий раҳбари — Мэлис Абзалов.