ВЕТЕРАН (лот. veteranus, vetus — кекса сўзидан олинган) — 1) Қад. Римда армия хизматини ўтаб бўлган солдат. В. ларга ер ажратилган (Италия ёки унинг провинцияларида) ёки пул мукофоти, шунингдек Рим фуқароси ҳуқуқи берилган, улар ҳар хил мажбуриятлардан озод этилган;
2) кекса жангчи, ўтмишдаги уруш қатнашчиси;
3) бирор соҳада узоқ йил ишлаган ёки хизмат қилган киши (мас., меҳнат В. и, уруш Ветерани).