ВИШНЕВСКИЙ Александр Александрович (1906—1975) — жарроҳ, Тиббиёт ФА акад. (1957), Россия (1956) ва Ўзбекистонда (1963) хизмат кўрсатган фан арбоби, тиббиёт хизмати генералполковниги (1963), тиббиёт фанлари д-ри (1936), проф. (1939). 1948 й. дан Тиббиёт ФА Жарроҳлик ин-тининг директори. Айни вақтда 1956 й. дан Армия бош жарроҳи. Митрал стеноз бўлган юракни жаҳонда биринчи бўлиб операция қилган (1953); сунъий қон айланиш аппарати ёрдамида «очиқ юрак» операциясини биринчи бўлиб амалга оширган (1957). Туғма ва ҳаётда орттирилган юрак порогини операция қилиб даволашнинг янги усули Вишневский раҳбарлигида ишлаб чиқилган.