ХАЙБАРТЕПА — ўрта аср шаҳар харобаси (9 — 10-а. лар). Қашқадарё вилояти Косон туманидаги Аброн қишлоғи четида, Шуллуктепарян 14 км масофада жойлашган. X. харобалари 1 км узунликка чўзилган бўлиб, ўрта қисмида эни 400 м ни ташкил қилган. Ўрта асрларда X. ўрнида Афурон қишлоғи бўлган. Хайбартепанинг мустаҳкамланган марказий қисмида бал. 11 м ли қалъа жойлашган. Бу ердан 9—10а. ларда қазилган 10 дан ортиқ қудуқ топилган, уларнинг айримларидан ҳозир ҳам фойдаланилади. Хайбартепада ҳаёт мўғуллар истилосидан сўнг ҳам давом этган.