ЁҚУТ

ЁҚУТ — минерал, таркибида оз миқдорда (2% гача) хром ионлари (СгЗ+) бўлган корунд (А12О3)нинг қизил рангли тури. Ранги оч пуштидан тўқ қизилгача. Биринчи тоифали қимматбаҳо тошлар туркумига мансуб. Шим. Мьянманинг Ёқут конлари қадимдан маълум бўлиб, Урта Осиё ва Европага ҳам шу ердан келтирилган. Бадахшондаги Ёқут кони жуда машҳур бўлган. 18а. да Урта ва Жан. Уралдаги сочмаларда ҳам топилган. Энг катта конлари Мьянма, Таиланд, Шри Ланка да. Ёқутнинг йирик шаффоф хиллари сунъий йўл билан олинади. Сунъий Ёқут соат механизмлари, квант электроникаси ҳамда заргарликда ишлатилади.