ЁРОНГУЛДОШЛАР

ЁРОНГУЛДОШЛАР (Geraniceae) икки уруғпаллалилар синфига мансуб оила. Кўп йиллик ва бир йиллик утлардан, баъзан ярим буталардан иборат. Барглари бўлмали ёки бутун, баъзан патсимон ажралган. Кўпчилик турларининг гуллари тўгри, икки жинсли, кўпроқ қизил ёки бинафша рангли бўлади. Ер юзида оиланинг 650 га яқин тури ва 11 туркуми маълум. Асосан ўртача иссиқ ва субтропик зоналарда тарқалган. Шулардан 4 туркумига мансуб 20 тури Ўзбекистонда ўсади. Жан. Африкада ўсувчи Pespargonum туркумига мансуб турлар ва уларнинг дурагайлари манзарали ва эфирмойли ўсимлик сифатида экилади. Оиланинг ёронгул туркуми Ўзбекистонда кенг тарқалган.

Loading...