ЮНГВАЛЬДХИЛЬКЕВИЧ

ЮНГВАЛЬДХИЛЬКЕВИЧ Эмиль Ольгерд Иосифович [1897.14(26).4, Киев — 1967.6.8, Тошкент] — опера режиссёри, педагог. Ўзбекистон халқ артисти (1939). Ўзбек операси асосчиларидан. Киев театр академиясини тугатган (1920). 1922—34 йилларда Харьков, Житомир, Одесса, Пермь опера театрларида реж. Тошкент рус опера ва балет театрида, Ўзбек давлат мусиқали драма театрида (1934—40), Олмаота опера ва балет театрида (1940—43) бош реж., бадиий раҳбар. 1943—67 йилларда Тошкент консерваториясида педагог, доцент (1964). 1943—64 йиллар (орадан узилишлар билан) Навоий театрининг бош реж. и. «Фарҳод ва Ширин» (В. Успенский, Г. Мушель) мусиқали драмаси ва «Эр Тарғин» (Е. Брусиловский), «Буюк канал», «Бўрон» (С. Василенко, М. Ашрафий,), «Тоҳир ва Зуҳра» (Т. Жалилов, Б. Бровцин), «Кармен» (Ж. Бизе), «Евгений Онегин» ва «Қарға моткаси» (П. Чайковский, ўзбек тилида), «Дилором» (М. Ашрафий), «Князь Игорь» (А. Бородин) каби операларни реж. сифатида саҳналаштирган.