ЮНУС

ЮНУС — Қуръонда тилга олинган пайғамбарлардан бири. Зуннун, яъни катта балиқ (кит)нинг ҳамроҳи деган ном ҳам олган. Библиядаги Ионага тўғри келади. Қуръоннинг 10-сураси унинг исми билан аталади. Қуръонда Аллоҳнинг ягоналигини тан олмаган ўз қавмидан ғазабланиб, парвардигорнинг изнисиз шаҳардан чиқиб кетгани, кемада қочгани, сувга ташлангани, уни катта балиқ ютиб юборгани, Аллоҳ уни қутқаргани, сўнг у тарғибот олиб борган қавм бу дунё жазоларидан қутулиб қолгани ҳақида баён этилади. Қуръондаги Юнус қиссасида қавмни ҳидоятга бошлашда сабртоқатли, бардошли бўлишга даъват бор. Ҳоз. вақтда Юнус пайғамбарнинг қабри (Ироқ, Мосул шаҳри яқини) қадамжолардан ҳисобланади.

Loading...