ЗОКИРОВ

ЗОКИРОВ Дони (1914.28.12, Самарқанд — 1985.26.11, Тошкент) — композитор, созанда (ғижжак), дирижёр. Ўзбекистон халқ артисти (1969). Тошкент консерваториясининг композиция синфини (Б. Надеждинда) тугатган (1953). 1930 й. дан Самарқанд вилоят мусиқали драма те-атри халқ чолғулари оркестрида ғижжакчи, 1933 й. дан мусиқа раҳбари. Ўзбек давлат муси-қали театрида созанда (1936-37), Узбек давлат филармониясида халқ чолғулари оркестрининг бош созандаси (1937—40), Муқимий номидаги театрда (1940—47), Узбек давлат филармонияси ашула ва рақс ансамблида (1953—57) бадиий раҳбар. Узбекистон телевидениеси ва радиоси ўзбек халқ чолғу асбоблари оркестрининг дирижёри (1948—53), 1957 й. дан бош дирижёри ва 1960 й. дан бадиий раҳбари (1989 й. дан оркестр 3. номида). Ижоди ўзбек мусиқа меросига оҳангдош ва усулдош, лирикдраматик ва эпик образларга бой. «Ойниса» балети (Т. Литвинова либреттоси, 1957, Б. Гиенко билан ҳамкорликда), «Зайнаб ва Омон» операси, (Зулфия, 1958, Т. Содиқов, Ю. Ражабий, Б. Зейдман б-н), «Далада байрам» мусиқали комедияси (Ш. Саъ-дулла, 1954, С. Бобоев б-н), «Ёшликда берган кўнгил» (3. Фатхуллин, 1965), «Менинг Жаннатим» (С. Абдулла, 1970, К. Жабборов б-н), «Шаҳзода ва етим қиз» мусиқали драмалари, 2 та симфоник (1947—50) ва «Қарши чўли гуллари» (1972) вокалсимфоник сюиталари, «Даврим садоси» (Б. Умиджонов б-н, 1970) кантатаси, «Ҳамза» поэмаувертюраси, «Лирик поэма», «Кўрмадим», «Бўлмаса», «Айб этмангиз», «Уртанур», «Эй, сабо» (Навоий ғазаллари) каби романслар, «Она диёр», «Кўчалар», «Беқиёс диёр», «Самарқандим» каби қўшиқлар муаллифи. «Амирликнинг емирилиши», «Қутлуғ қон», «Улуғбек юлдузи» каби кино-фильмларга (ҳаммаси М. Зив б-н) мусиқа ёзган. 3. ўнлаб халқ («Қайтарма», «Шароб», «Фарғонача» каби) ва мумтоз («Чўли Ироқ», «Ёввойи Ушшоқ», «Насруллойи», «Ражабий», «Наво», «Савти Наво» ва б.) куйларни ўзбек чолғу асбоблари оркестри учун юксак даражада мослаштирган. Шу боис, композиторнинг ижодий услуби ҳам ўзбек мусиқа мероси анъаналарини бадиий ишонарли тарзда мужассам этган.

Ад.: Аҳмедов М., Дони Зокиров, Т., 1995.

Loading...