ABDURAHMONOVA Salomat (1944.11.1, Turkmaniston, Karki sh.) — Oʻzbekiston Respublikasi xalq oʻqituvchisi (1996). ToshDUning geogr. f-tini tugatgan (1962). Mehnat faoliyatini 1962-y. dan Surxondaryo viloyati sayyohlik markazida metodistlikdan boshlagan. 1965-y. dan Yakkabogʻ, Gʻuzor tumanidagi maktablarda bosh tarbiyachi, oʻqituvchi. 1982-y. dan Chiroqchi tumanidagi 1-maktabda oʻqituvchi, 1993-y. dan maʼnaviyat va maʼrifat ishlari boʻyicha direktor oʻrinbosari. Abdurahmonova maktabda «Ekologiya va salomatlik», «Tabiat inʼomlari» koʻrik tanlovlarini tashkil etgan va uning oʻquvchilari viloyat miqyosida faxrli oʻrinlarni egallagan.