AFGʻONLAR (oʻzlarini pushtun, patan deb ataydilar) — xalq, Afgʻonistonning asosiy aholisi (10 mln. kishidan ortiq, 1992). 19 mln. dan ortiq kishi (asosan koʻchmanchi va yarim koʻchmanchilar) Pokistonning shim.gʻarbida yashaydi. Qabila birlashmalari saqlangan (afridiylar, vazirlar, gilzoyilar, durroniylar va b.). Pushtu tilida soʻzlashadi. Dindorlari — asosan musulmon-sunniylar.