AMUL — Chorjoʻy sh. ning tarixiy adabiyotlarda 15-a. oxirigacha boʻlgan nomi. Amul nomining kelib chiqishi nomaʼlum. «Amu» atamasi Chorjoʻy yaqinidan oqib oʻtadigan daryo — Amudaryoda saqlanib qolgan. Mozandarondagi eng qad. shaharlardan biri ham Amul deb atalgan. Ularni farqlash uchun oʻsha davrlarda Amulni «Amuli Sohil», «Amuli Jayxun», «Amuli Zamm», «Choʻl Amuli» deyilgan.