ANDIJON SVITASI — Jan. Fargʻonaning yuqori neogen yotqiziqlarida joylashgan jinslar majmuasi: 1935-y. da O. S Vyalov mustaqil svita sifatida ajratgan. Konglomerat, qumtosh va gildan iborat. Qalinligi 550 m gacha. Toʻgʻon svitasining ustida va soʻx svitasining tagida yotadi. Andijon svitasida ikkilamchi xarakterga ega neft konlari borligi aniqlangan va geologik tuzilishi oʻrganilgan.