ANGARSK — RFning Irkutsk viloyatidagi shahar (1951-y. dan). Angara daryosi boʻyidagi pristan. T. y. stansiyasi. Aholisi 268,8 ming (1992). 1954-y. dan yirik neft-kimyo k-ti ishlay boshladi. Qurilish sanoati korxonalari (yigʻma temir-beton, sement, keramika mahsulotlari va b.), elektromexanika z-di, yogʻochsozlik, mashinasozlik sanoati korxonalari, tikuvchilik f-kasi, goʻsht k-ti, texnologiya in-ti bor.